القائمة الرئيسية

الصفحات

معلومات كاملة عن قرية الأندلسية بمرسي مطروح موقع + صور + مميزات

مرسي مطروح تعد حاليا الوجهة الاولي للسياحة الداخلية في مصر وذلك بسبب نقاء مياهها وطبيعتها الخلابة وتمتلك مرسي مطروح العديد من القري السياحيبة التى يمكن ان يستاجر المصيف فيها للاستمتاع بوقتة واشهرها قرية الاندلسية وفيما يلي سنسرد لكم جميع المعلومات التى يمكن ان تحتاجها عن القرية .

موقع قرية الاندلسية بمرسي مطروح



مميزات قرية اندلسية بمرسي مطروح




1 : مكان القريه ف مطروح نفسهااا يعنى مش قبل مطروح ولا بعدها بينك وبين البلد 10 دقائق بالسياره.. 

لكن بننصح المصيفين بوجود سياره معاهم لان القريه كبيره وتسهل عليك الانتقال، بس لو مش معاك عربيه تقدر تاخد تاكسي موجود ف كل مكان ف القريه وكمان ف طفطف ف القريه بيبدأ يلف ارجاء القريه كلها من بعد العصر لحد الفجر. 



2 : القريه علي البحر بس مفيش نزول ف البحر لانه صخور بس في بسين مالح على البحر مساحته تقريبا 1000 متر متدرج لكل الفئات العمريه.. وبتبقي قاعد علىى البحر وبتنزل ف البسين .

3 : بحيرة قرية اندلسية وهى موجودة في وسط القرية والشاليهات تتمحور حولها والبحيره دى مساحتهاااا كبيره جدا جدا جدا وجايبه مياه من البحر مباشرة وكانت الناس بتشتكى من ملوحة المياه فيها بس السنه دى الوضع اتغير وتم توسيع المجرا المائي بتاعها وتم ضخ كميات جديده من مياه البحر فيها وتم تجديدها 

ممكن تنزل البحيره من اى مكان بس فى كذا شاطئ للبحيره 

اهمهم واميزهم شاطئ البحيره ف النادى ، وشاطئ البحيره ف الألعاب المائيه لانه فيه بيتش باجي وبنانا بوت جت اسكى. 

4 : تمتلك قرية الاندلسيه اكبر العاب مائيه ف مطروح للكبار والصغييرين وكمان ف حمام سباحه أمواج صناعيه فيها 
الدخول معانا مجاني وخصوصا لو انت مأجر معانا شاليه ليك 4 كارنيهات لأربع أفراد والأطفال مجاني لحد 6 سنين.. 
5 : النادى الرياضي وده فيه بسين مياه عذبه كبيره للأطفال والكبار وفيه بسين للسيدات مغطي كمان الخصوصيه. وشاطي كمان للبحيره ، عندنا كمان صالة جيم وتنس وبلياردو وتنس. 



6 : يوجد بين الشاليهات ف اغلب المناطق بسينات عذبه للأطفال. 



7 : فى منطقه ف القريه ف منتصفها بالظبط فيها كافيهات ومطاعم وميني ماركت، وعندك كمان ماركت كبير علي بوابة القريه ممكن تجيب طلباتك منها وتوصلك لحد الشاليه دليفرى، وكمان عجل للأطفال وبيتش باجي وألعاب صغيره للأطفال للتسليه. وايس كريم وزلابيه. وفاست فوود. 

8 : ايضا يوجد بالقرية خان المعز وتقام فية حفلات سمر وقعدات عربي

صور قرية اندلسية بمرسي مطروح



































تعليقات

4 تعليقات
إرسال تعليق
  1. هو في بيع حصه فى القريه عشان فى مكتب باع لنا حصه 55الف جنيه وهى أسبوع سنويا ده موجود

    ردحذف
  2. هل فعلا في شراء حصه في شليه اسبوع في السنه ب35000جنيه بعقد مسجل تمليك

    ردحذف
  3. اسعار المجمدات والخضار بماركت القريه شهر 7

    ردحذف
  4. كم سعر الفرد لو انا مش حاجز شاليه فى القريه واسعار حمامات السباحه والالعاب

    ردحذف

إرسال تعليق